Konqresmenlər Ərdoğandan xahiş etdilər
14 may 2011 21:33 (UTC +04:00)

Konqresmenlər Ərdoğandan xahiş etdilər

Lent.az-ın “trt.net.tr” saytının Azərbaycan versiyasına istinadən verdiyi məlumata görə, konqresmenlər məktubda Azad Qəzza Hərəkatı və Humanitar Yardım Dərnəyinin təşkilatçılığı ilə Qəzza sektoruna yardım karvanı göndərilməməsini istəyiblər.

Bu gəmi karvanın İsrailə yönəlik təxribat təşəbbüsü olduğunu iddia edən konqresmenlər Qəzzaya qaçaq yolla keçirilən silahların təhlükə yaratdığını və İsrail hökumətinin xalqını qoruma haqqına sahib olduğunu bildiriblər. Karvan yola çıxacağı təqdirdə İsrailin gəmiləri durduraraq atəş açmaqdan başqa yolu qalmadığını bildirən konqresmenlər yeni toqquşma yaranması ehtimalından narahat olduqlarını vurğulayıblar: “Sizin Qəzzaya ikinci yardım karvanı əvəzinə başqa bir alternativ tapılaraq insan həyatını xilas etmək, xüsusilə qarışıq bir dönəmdə bir sabitliyi bərpa etmək şansınız, fürsətiniz var”.

Qeyd edək ki, Azad Qəzza Hərəkatı və Humanitar Yardım Dərnəyi yaxın vaxtlarda İsrailin blokadada saxladığı Qəzza sektoruna gəmi karvanı göndərməyə hazırlaşır. Keçən il birinci cəhd ağır nəticə verib. İsrail hərbçiləri Türkiyənin yardım karvanında yer alan “Mavi Mərmərə” gəmisinə hücum edib. Nəticədə bir neçə türk həyatını itirib. Bu, Türkiyə və İsrailin münasibətlərinin gərginləşməsinə gətirib çıxarıb.
# 545

Oxşar yazılar