Qızı kor edən oğlanın gözünü kor edəcəklər...

Lent.az-ın “BBC”yə istinadən verdiyi məlumata görə, 6 il əvvəl Məcid Movaxedi Əminə Bəhraminin ora ərə getməsini istəsə də, rədd cavabı alıb.

O, buna görə qızın üzünə sirkə turşusu töküb. Əminə Bəhraminin gözləri tam kor olub, üzü eybəcərləşib. Məhkəmə Əminə Bəhraminin də Məcid Movaxedi sirkə turşusu ilə kor etməsi barədə hökm verib. Əminə Bəhrami “BBC”yə müsahibəsində son 6 il ərzində ilk dəfə özünü xoşbəxt hiss etdiyini bildirib.

Məhkəmənin qərarına görə, Məcid Movaxedinin gözünə sirkə turşusu tökülməzdən əvvəl ona narkoz veriləcək. Əminə Bəhrami bu hökmü özü icra etmək istəsə də, kor olduğu üçün bunu necə həyata keçirəcəyi sual altındadır. Böyük ehtimalla, Məcid Movaxedinin gözünə sirkə turşusunu Əminə Bəhraminin qohumlarından biri tökəcək.

Qeyd edək ki, qisas hökmü bu gün icra olunmalıydı. Amma hökmün icrası naməlum səbəbdən başqa vaxta təxirə salınıb.