Əsədin üzü gülür
14 may 2011 14:54 (UTC +04:00)

Əsədin üzü gülür

Suriyada prezident Bəşər Əsədi sevindirən proses baş verir. Lent.az-ın “SANA” agentliyinə istinadən verdiyi məlumata görə, hökumət əleyhinə aksiyalara qatılmış 5 min nəfər həbs və məhkəmə təqibindən can qurtarmaq üçün cümə günü könüllü təslim olub.

Bunu Suriyanın informasiya naziri Adnan Mahmud Dəməşqdə keçirdiyi mətbuat konfransında söyləyib. Hüquq-mühafizə orqanlarına könüllü təslim olanlar amnistiyaya düşəcəklər. Ancaq bunun üçün onlar dövlət təhlükəsizliyinə, dövlət və şəxsi əmlaka zərər vurmayacaqları barədə öhdəliyə imza atmalıdırlar.

Adnan Mahmud Suriya ordusunun Baniyas və Deraa şəhərlərindən də tədricən çıxarılacağını söyləyib. Bu şəhərlər aksiyaların əsas mərkəzi sayılır. Onun sözlərinə görə, indiyə qədər baş verən olaylar zamanı 93 hərbçi, 22 polis həyatını itirib, 1500 nəfərdən çox insan yaralanıb.
# 881

Oxşar yazılar