İçində 600 liviyalı olan gəmi batdı

Liviyadan Avropaya qaçış davam edir. Lent.az-ın “trt.net.tr” saytının Azərbaycan versiyasına istinadən verdiyi məlumata görə, mayın 9-da Avropaya qaçmağa çalışan 600 liviyalının da olduğu bir gəmi Liviya sahillərində batıb.

BMT-nin Qaçqınlar Üzrə Ali Komissarlığından verilən açıqlamaya görə, qaçqın gəmisinin batması yanından keçərək İtaliyaya çatmağa müvəffəq olan başqa bir qaçqın qayığı tərəfindən görülüb. Şahidlər içində 600 liviyalının olduğu gəminin parçalanaraq batdığını bildiriblər. Batan gəmidəkilərin bir hissəsi qayıqdakılar tərəfindən xilas edilib, qalanların aqibəti isə bəlli deyil.

“The Guardian” qəzetinin ortaya atdığı bir iddia isə NATO-nu qarışdırıb. Qəzetin xəbərinə görə, martın 25-də 72 nəfərlə Liviyadan ayrılan bir qayıq 16 gün boyunca dalğaların arasında sürüklənib. İtaliya Sahil Təhlükəsizlik Xidməti və yaxındakı NATO təyyarə-gəmisi isə yardım çağırışlarına cavab verməyib. Qayıqdan yalnız 10 nəfərin xilas olduğu, qalanların isə aclıq və susuzluqdan öldüyü, qayığın Liviya sahillərinə geri döndüyü bildirilir.