Gürcüstan xaçapurini patentləşdirəcək

Lent.az-ın Gürcüstan mətbuatına istinadən verdiyi məlumata görə, Gürcüstan hökuməti və sahibkarlar Şərqi Avropa və ABŞ-da yeni bazarlar əldə etmək üçün bu addımın atılmasını zəruri sayır.

Gürcüstan xaçapurinin patentini almaqla həm də bu təamın müəlliflik hüququnu satmağa başlamaq istəyir. Rəsmi Tiflis daha sonra digər gürcü yeməklərinin də patentini almanla planını genişləndirməyə hazırlaşır.

Qeyd edək ki, klassik gürcü xaçapurisi ağ xəmirdən hazırlanmış yumşaq, məsaməli lavaş və onun içərisinə qoyulmuş duzlu pendirdən ibarətdir. Son vaxtlar dünyanın müxtəlif ölkələrində pendir əvəzinə ət və göbələk qoyulur. Bu isə Gürcüstanda narazılıqla qarşılanır.