Yaponlar radiasiyalı suyu təmizləməyin yolunu tapıblar

Lent.az-ın “KİODA” agentliyinə istinadən verdiyi məlumata görə, Kanadzava Universitetinin alimlərinin hazırladıqları mineral toz sudakı radioaktiv hissəcikləri – yod, sezium, sezium, stronsium izotoplarını neytrallaşdırır.

Təcrübə zamanı yüz millilitr suyun radioaktiv hissəciklərdən təmizlənməsi üçün yarım qram mineral toz gərək olub.

Qeyd edək ki, hazırda qəzalı vəziyyətdə olan “Fukusima-1” Atom Elektrik Stansiyasında 67 min ton radioaktiv çirklənməyə məruz qalmış su var. Yeni yaradılmış mineral tozun kisələrlə bu su kütləsinin üzərinə tökülməsi planlaşdırılır.