ABŞ-da yüksək vəzifəli şəxsin arvadı və qızı azyaşlı oğlanı zorlayıb...

ABŞ-da Arizona ştatının Marikop dairəsinin rəhbəri Fulton Brokun 49 yaşlı həyat yoldaşı Syuzan Brok və 18 yaşlı qızı Reyçel yetkinlik yaşına çatmamış oğlana qarşı seksual zorakılıqda günahlandırılıb. Lent.az-ın “CNN”ə istinadən verdiyi məlumata görə, Arizona Məhkəməsi Syuzan Broku 13 il azadlıqdan məhrum edib.

Ana və qız zərərçəkmişə vurduqları mənəvi zərbəyə görə 1 milyon dollar kompensasiya da ödəməlidirlər. Araşdırma zamanı məlum olub ki, 3 uşaq anası olan Syuzan Brok həmin oğlan uşağı ilə hələ 11 yaşından maraqlanmağa başlayıb. Əvvəlcə o, uşağa müxtəlif hədiyyələr alıb. 2 il sonra isə 14 yaşına qədəm qoymuş oğlanla sekslə məşğul olmağa başlayıb.

Syuzan Brok oğlan 17 yaşına çatana qədər onunla müntəzəm cinsi əlaqəyə girib. Həmin vaxt 18 yaşı olan Reyçel də anasının seksual macərasından həvəslənib və həmin oğlanla o da sekslə məşğul olmağa başlayıb. Anası qızının bu işindən xəbərdar olanda isə ona mane olmayıb, əksin, qoruyucu vasitə verib.

Marikop dairəsinin rəhbəri Fultone Brok isə arvadının və qızının seks macərasından çox gec xəbər tutub. O, 2 həftə susub, sonra vəkilləri ilə məsləhətləşərək boşanmaq üçün məhkəməyə müraciət edib. Ancaq Fulton Brokun 2 həftə susaraq bu barədə polisə məlumat verməməsi də müzakirə mövzusudur.