BMT Liviyada humanitar dəhliz açdı

Lent.az-ın İTAR-TASS agentliyinə istinadən verdiyi məlumata görə, bu humanitar dəhlizlə ölkənin qərbindəki mülki əhaliyə ərzaq məhsulları daşınacaq.
Ümumdünya Ərzaq Proqramının təmsilçisi Emilya Kasella deyib ki, aprelin 18-də 240 ton taxıl və peçenye yüklənmiş 8 yük maşını Liviya-Tunis sərhədini keçib. Bu ərzaq 1 ay ərzində 50 min insan üçün kifayətdir: “Biz Liviyanın qərbində humanitar dəhliz açmağı bacardıq. Ərzaq məhsulları Tripoli, Ez-Zintan, Nalut, Mezda və digər şəhərlərə aparılacaq”.