Devid Bekhemin bacısı səfalət içində yaşayır

Lent.az-ın “Daily Mirror” qəzetinə istinadən verdiyi məlumata görə, 38 yaşlı qadın 3 uşağını dolandırmaqdan ötrü avtomobil qoşqusundan uşaqlarının oyuncaqlarına, gəlinliyindən qiyafələrinədək hər şeyini satıb. Onunla birgə yaşayan kişi sevgilisi 2 həftə öncə həbs edilib. Buna görə də Linn böyük səfalət içində yaşayır. 72 adda əşya satan böyük Bekhemin əlinə 900 funt sterlinq pul gəlib.

Qeyd edək ki, ABŞ-ın “Los-Anceles Qalaksi” klubunda forma geyinən Devid Bekhem 125 milyon funt sterlinq sərvəti ilə dünyanın ən zəngin futbolçularından sayılır. O, bacısının keçmiş əri ilə birgə kokain alveri ilə məşğul olduğunu öyrəndikdən sonra yardım etməkdən imtina edib. 36 yaşlı yarımmüdafiəçi 1999-cu ildə Linn Bekhemin nikah mərasiminə təkcə qatılıb. Həyat yoldaşı Viktoriya Bekhem isə dəvəti rədd edib.