“Wikileaks” internet saytının qurucusu apelyasiya şikayəti verib

ABŞ diplomatlarının gizli yazışmalarını ifşa edərək dünyanın gündəmini dəyişən “Wikileaks” internet saytının qurucusu Culian Assanc İngiltərədən İsveçə ekstradisiya olunmaması üçün hüquqi mübarizəyə başlayıb. Lent.az-ın “trt.net.tr” saytının Azərbaycan versiyasına istinadən verdiyi məlumata görə, Culian Assanc İngiltərə məhkəməsinin haqqındakı seks skandalı səbəbilə İsveçə verilməsi haqda qərarından apellyasiya şikayəti verib.

Culian Assanc İngiltərə məhkəməsinin qərarının insanlaq haqlarına zidd olduğunu bildirib. Avstraliya vətəndaşı olan Assanc haqqındakı iddiaların siyasi xarakterli olduğunu vurğulayıb. “Wikileaks”ın qurucusunun apellyasiya şikayətinə iyulun 12-13-də Londonda baxılacaq.