İran atom bombasını nə vaxta əldə edəcək?

Bu sahədə şəffaflıq olmadığından, tətbiq edilən sanksiyalar ucbatından həm İslam Respublikasının əhalisi, həm də Tehranın atom bombası əldə edəcəyi qorxusundan beynəlxalq ictimaiyyət rahatsızdır. Bir müddət öncə İranın 2015-ci ildə atom bombası əldə edə biləcəyi haqda məlumatlar yayılmışdı.

Lent.az-ın “RBK”ya istinadən məlumatına görə, İsrail hərbi kəşfiyyatının başçısı Əviv Kohavinin bildirib ki, İran hazırda nüvə silahının əldə edilməsi istiqamətində fəaliyyət göstərmir. Bununla belə, ölkə rəhbərliyi bu istiqamətdə uyğun addımları atarsa, o zaman atom bombasının yaradılması üçün 1-2 il vaxt lazım olacaq.

“İranın nüvə silahına nə vaxt yiyələnəcəyi əsas məsələ deyil. Məsələ uranın 90 faiz zənginləşdirilməsinə bu ölkə liderlərinin nə vaxt əmr verəcəyindədir” - deyə, Kohavi İsrail parlamentinin xarici işlər və təhlükəsizlik məsələləri komitəsində söyləyib.

O, əlavə edib ki, Tehran nüvə bombası əldə etdikdən sonra onun daşınması üçün səmərəli sistemin hazırlanmasına çox vaxt sərf edəcək.

Xatırladaq ki, bir müddət öncə “Mossad”ın başçısı Meir Daqan bəyan etmişdi ki 2015-ci ilədək İran nüvə silahı əldə edə bilməyəcək.

Sədrəddin Soltan