İngiltərə hökumətində növbəti siçan qalmaqalı

Belə ki, ötən günlərdə Baş Nazirliyin (Downing Street 10) əsas giriş qapısı yanında çəkiliş aparan operatorlar gəmiricilərin ərazidə sərbəst dolaşdığının şahidi olublar. Canlı yayımda göstərilən bu kadrlar bütün ölkədə söz-söhbətə səbəb olub.

Lent.az-ın “7sur7.be” saytına istinadən xəbərinə görə, Baş Nazirliyin administrasiyası gəmiricilərlə mübarizə üçün pişik saxlamaq niyyətində olmadığını bəyan edib.

Pişik-siçan söhbəti İngiltərə üçün yeni deyil. 1989-cu il oktyabr ayında nazirlik əməkdaşları siçanları qırmaq üçün London küçələrində dolaşan pişiklərdən birini binaya gətiriblər və ona “Humphrey” adı qoyulub. Hər ay büdcədən 100 funt sterlinq ayrılan pişik baş nazirlər Marqaret Tetçer və Con Meycoru yola salıb. Nəhayət, Toni Bleyr bu pişiyi “təqaüdə göndərib”. Bütün “karyerası” dövründə bir dənə də siçan tutmayan “Humphrey” yola salınmasına az qalmış 4 ədəd nadir quşu parçalayıb.

Vüqar