ABŞ-ın 2/3-i yox edəcək vulkan oyanır

Lent.az-ın CNN-ə istinadən verdiyi məlumata görə, alimlər vulkanın 600 min ildən sonra ilk dəfə partlaya biləcəyinə dair xəbərdarlıqla çıxış ediblər. 2004-cü ildən başlayaraq, vulkanın kateri hər il 7,5 santimetr yüksəlir. Bu, vulkan kateri üzərində ölçmələrin başlanıldığı 1923-cü ildən bəri qeydə alınan ən böyük göstəricidir. Əgər bu vulkan püskürərsə, püskürən lava 1600 kilometr uzaqlıqda belə 3 metr qalınlığında təbəqə yaradacaq. Belə olan halda ABŞ ərazisinin 2/3-i yaşanması mümkün olmayan vəziyyətə düşəcək, milyonlarla insan evsiz qalacaq.

Ancaq alimlər hələ ki, yetərli göstəricilər əldə edə bilmədikləri üçün vulkanın püskürmə vaxtı ilə bağlı dəqiq proqnoz verməkdə çətinlik çəkirlər. Utah Universitetinin professoru Bob Smith deyib ki, vulkan böyük bir ərazini əhatə edir və çox sürətlə onun zəmini yüksəlir: “Maqmanın ərimiş qayalara dolduğunu təsbit etdik. Ancaq bu prosesin bir partlayış baş verənə qədər davam edəcəyini, ya da əriyən qayaların maqmanın qarşısını kəsəcəyini proqnozlaşdırmaq mümkün deyil. İstənilən halda, vulkan oyanır... ”