Xorvatiyanın sabiq baş naziri barədə həbs qərarı çıxarıldı

Xorvatiyanın keçmiş baş naziri İvo Sanaderlə bağlı beynəlxalq həbs qərarı çıxarılıb. Lent.az-ın “trt.net.tr” saytının Azərbaycan versiyasına istinadən verdiyi məlumata görə, 2003-2009-cu illər arasında Xorvatiyanın baş naziri vəzifəsini icra edən Sanaderin ölkəni tərk etdiyi və yerinin hələ müəyyənləşdirilmədiyi bildirilir.

Qeyd edək ki, keçmiş baş nazir korrupsiya və cinayət qrupları ilə əməkdaşlıq ittihamları ilə mühakimə edilib. Xorvatiya parlamentində toxunulmazlığının ləğvi ilə bağlı səsvermə keçirildiyi zaman isə İvo Sanader Sloveniya sərhədindən ölkəni tərk edib.

İvo Sanaderin həbs olunması ilə bağlı qərar “İnterpol”a da bildirilib. Keçmiş baş nazirin vəkili müdafiə etdiyi şəxsin iş səyahətində olduğunu və bir neçə gün içərisində ölkəyə dönəcəyini açıqlayıb.

Qeyd edək ki, İvo Sanader 2008-ci ilin yanvar ayında partiyasından, həmin ilin iyununda isə baş nazir postundan istefa verib.