Pələnglərin yox olmasına az qalıb
22 noyabr 2010 12:28 (UTC +04:00)

Pələnglərin yox olmasına az qalıb

Pələngləri 12 il sonra Yer üzündə yox olma təhlükəsi gözləyir. Lent.az-ın Rusiya mətbuatına istinadən verdiyi məlumata görə, bu, Sankt Peterburqda keçirilən və 13 ölkə liderinin qatıldığı Dünya Pələng Sammitində açıqlanıb.

Pələnglərin sayı son 100 ildə 100 mindən 3 min 200-ə düşüb. Vəhşi heyvanlara marağı ilə seçilən və ölkəsində pələnglərin qorunması ilə bağlı layihələrdə birbaşa özü iştirak edən Vladimir Putinin dəvəti ilə bu tədbirdə Banqladeş, İndoneziya, Çin, Hindistan, Malaziya, Tayland və Nepalın təmsilçiləri iştirak edib. Bu ölkələrdə pələnglər hələ də yaşayır.

Sammitdə Bali, Java və Anadolu pələnglərinin nəsillərinin bir neçə il əvvəl kəsildiyi vurğulanıb. Sammitin məqsədi hazırda yaşayan pələng növlərinin sayını yaxın gələcəkdə iki dəfə artırmaqdır.
# 1338

Oxşar yazılar