Papa katolikləri şoka saldı
22 noyabr 2010 10:13 (UTC +04:00)

Papa katolikləri şoka saldı

Roma Papası XVI Benedikt Vatikan tarixində çığır açacaq bir qərara imza atıb.

Lent.az-ın BBC-yə istinadən verdiyi məlumata görə, bu vaxta qədər sərt bir şəkildə hamiləlik müayinəsinə və cinsi əlaqələr zamanı qoruyucudan istifadəyə qarşı çıxan XVI Benediktin almaniyalı jurnalist Peter Seevalda verdiyi müsahibədə mövqeyində dəyişiklik etdiyi məlum olub.

Müsahibə “Dünyanın İşığı” adlı kitab şəklində dərc olunub. XVI Benedikt müsahibəsində bildirib ki, bəzi xüsusi, istisna vəziyyətlərdən cinsi əlaqə zamanı qoruyucudan istifadə etmək gərəkli ola bilər. O, fikrini əsaslandırmaq üçün bir fahişənin özünü qorumaq üçün qoruyucudan istifadə etməsini misal gətirib. Bununla belə, XVI Benedikt yenə də HİV virusuna qarşı mübarizədə qoruyucudan istifadə etmənin uyğun bir yol olmadığını vurğulayıb.

Roma Papası bu müsahibəsində katolik kilsələrində kişi rahiblərin uşaqlarla cinsi əlaqədə olması faktlarından şoka düşdüyünü etiraf edib.

Beləliklə, ilk dəfə bir Roma Papası qoruyucu barədə müsbət fikir söyləyib. XVI Benediktin bu fikirləri katolik dünyasında şok effekti yaradıb.

“Dünyanın İşığı” kitabı yaxın günlərdə Vatikan Nəşriyyatı tərəfindən satışa çıxarılacaq.
# 555

Oxşar yazılar