Həcc ziyarəti sakit keçir

Lent.az-ın “Milliyət” qəzetinə istinadən verdiyi məlumata görə, bunu Məkkə əyalətinin qubernatoru və Səudiyyə Ərəbistanının Həcc üzrə Mərkəzi Komitəsinin sədri, şahzadə Xvlid əl-Feysal söyləyib.

O bildirib ki, zəvvarlar noyabrın 15-də həccin tərkib hissəsi olan Ərəfat dağına ziyarət başa çatıb və həcc mərasimi təhlükəsiz şəraitdə davam edir. Bu gün isə həccə gələnlər Qurban bayramını qeyd etməyə başlayıblar. Zəvvarlar səhər tezdən Mina dərəsinə gedib, Camarat körpüsündən şeytanı daşlayıblar. Daha sonra Allah yolunda qoyun, inək və dəvə qurbanlarını kəsiblər.

Qeyd edək ki, bu il qoyun xüsusilə bahalanıb. Burada ən ucuz qoyunu 200 dollara, ən yaxşı cinsdən sayılan qoyunları isə 900 dollara almaq mümkündür. Hər il Qurban bayramında Səudiyyə Ərəbistanında 1 milyondan çox qoyun satılır.