Fransa müsəlmanlarına mesaj: “Nə qədər gec deyil Fransanı tərk edin!”

APA-nın Avropa bürosunun xəbərinə görə, ötən cümə günü namazdan sonra məscidin işçiləri poçt qutusunu yoxlayanda içi ağ rəngli tozla dolu bir zərf aşkar ediblər. Zərfin içində “Quran”ın kənarı yandırılmış bir səhifəsi də olub. Orada aşkarlanan məktubda müsəlmanların Avropanı və Fransanı tərk etmələri tələb olunub. “Avropa azadlığı uğrunda Hərəkat”ın yaydığı bu mesajda, Fransa müsəlmanlarına ünvanlanan “Nə qədər gec deyil Fransanı tərk edin!”, “Ya çemodan, ya da tabutunuzu seçin!” kimi hədələrin əks olunduğu bildirilir.

Eyyub Sultan məscidinin yaydığı bəyanatında bunun müsəlman icmasının islamafobiyadan əziyyət çəkməsinin bariz nümunəsi olduğu bildirilib, bu hadisə terrorçu bir olay kimi qiymətləndirilib.

Qeyd edək ki, Strasburqda yerləşən Eyyub Sultan türk məscidi artıq 15 ildir fəaliyyət göstərir və Strasburqun iki ən böyük məscidlərindəndir.