Qatil və manyak generalın evindən 500 dəst qadın alt paltarı çıxdı - FOTO

Lent.az-ın Kanada mediasına istinadən verdiyi məlumatına görə, məhkəmə prosesi zamanı generalın evindən maddi sübut kimi götürülən 500 dəst qadın alt paltarı, yetkinlik yaşına çatmamış qızlarla çəkdirdiyi şəkillər və digər əşyalar nümayiş olunub. Məhkəmə, həmçinin generalın yetkinlik yaşına çatmamış qızlarla cinsi əlaqəyə girməsini də sübut edib. Dövlət ittihamçısı Uilyamsa ömürlük həbs cəzası istəsə də, məhkəmə hələ də qərarını açıqlamayıb.

Kanadanın müdafiə naziri Uolt Natinçizak hadisə ilə bağlı açıqlama verib. O, məhkəmədə eşitdiklərindən dəhşətə gəldiyini deyib: “Uilyams bütün Kanada xalqı kimi bizi də heyrətləndirdi”.

Kanada mətbuatı Russel Uilyamsın ailəsi haqqında da ilginc məlumatlar yayıb. Belə ki, onun atası David Uilyams həyat yoldaşına ailə dostları olan Linotte Sovka ilə xəyanət edib və sonradan arvadını boşayaraq həmin qadınla yaşamağa başlayıb. Russelin anası isə sonradan həmin qadının həyat yoldaşı Nonie Sovka ilə yaşayıb. Bütün bunlar gələcək general 6 yaşında olanda baş verib. O, məktəbdə oxuyarkən tarixdə ən qəddar qatillərdən hesab olunan Paul Bernardo ilə də dost olub.