Türkiyə futbolunda kütləvi həbslər başladı - FOTO

Lent.az-ın məlumatına görə, adları açıqlanmayan şəxslər mərc və danışılmış oyunlar yolu ilə nəticəyə təsir etməkdə ittiham olunurlar. Onlara TFF-in 4 avqust 2009-cu ildə Sarıyer Cümhuriyyət Məhkəməsinə verdiyi şikayət ərizəsinə əsasən, İstanbul Təhlükəsizlik İdarəsinin başlatdığı “danışılmış oyun”, Diyarbəkir Məhkəməsinin apardığı “qanunsuz mərc” və Almaniyanın Bohum şəhər Məhkəməsinin apardığı “mərc və danışılmış oyunla manipulyasiya” ittihamları irəli sürülüb.

Federasiya rəhbərliyi 58 şübhəli matçı araşdırdıqdan sonra 3 məhkəmənin məsuliyyətə cəlb etdiyi 71 nəfərdən futbol ailəsinə mənsub olanların PFDK-ya cəlb edilməsinə qərar verib.

Bundan öncə isə daha 3 futbol adamı eyni qurum tərəfindən dindirilib. Sarıyer Cümhuriyyət Məhkəməsinin saxlanılmasına qərar verdiyi 71 nəfərdən 54-ü futbol ailəsində yer alır. Onlardan 39-u futbolçu, 3-ü hakim, 7-si məşqçi, 2-si klub prezidenti, 1-i klub rəsmisi, 2-si futbol agentidir.

Diyarbəkir Cümhuriyyət Məhkəməsinin həbs etdirdiyi 97 nəfərdən 19-u futbol ailəsinin üzvüdür. Onlardan 15-i futbolçu, 2-si məşqçi, 2-si hakimdir.