Fransada aeroport və vağzallar mühasirəyə alınıb

Fransada hökumətin pensiya yaşını 60 yaşdan 62 yaşa qaldırmaqla bağlı islahatlarına etiraz edən həmkarlar ittifaqları vağzal və aeroportları mühasirəyə almağa başlayıblar. Lent.az-ın “France Presse” agentliyinə istinadən verdiyi məlumata görə, həmkarlar ittifaqı bu addımı hökumətin polisin köməyi ilə aksiyaçıların əhatəyə aldıqları yanacaq ehtiyat anbarlarını nəzarətə götürməsinə cavab olaraq atıb.

Bu səhər polis Conje, Le-Mane və Laroşeldə yerləşən 3 böyük yanacaq ehtiyatı anbarına girişi açıb. Həmkarlar ittifaqları isə Buş-dyu-Ron departamentindəki Por-de-Buk yanacaq ehtiyatı anbarı qarşısında piket keçirirlər. Bu anbar strateji əhəmiyyət daşıyır, aeroportlara, o cümlədən hərbi bazalara təyyarə yanacağı məhz bu anbardan gedir.

500 aksiya iştirakçısı da Klermon-Verrane aeroportunu mühasirəyə alıb. Nantda isə avtovağzalın işi iflic olub. Aksiyaçılar şəhər aeroportunun da yolunu bağlayıblar.