Medvedev alt paltarında foto çəkdirən casus qadına ali dövlət mükafatı verdi - FOTO

Rusiya prezidenti Dmitri Medvedev ABŞ-dan qovulmuş rus casuslarını ali dövlət mükafatı ilə təltif edib. Lent.az-ın “Exo Moskvı” radiosuna istinadən verdiyi məlumata görə, prezidentin mətbuat xidmətinin rəhbəri Natalya Timakova bununla bağlı təntənəli mükafatlandırma mərasiminin oktyabrın 18-də Kremldə keçirildiyini bildirib.

Ancaq prezidentin mətbuat xidmətinin rəhbəri mükafatlandırılanların adlarını və onların konkret hansı dövlət mükafatına layiq görüldüklərini açıqlamayıb.

Mükafatlandırılanlar arasında seksuallığı ilə diqqət çəkən Anna Çapman da olub. Anna Çapman dünən ikinci sürpriz addım ataraq, tanınmış kişi jurnalı “Maksim”in rus versiyasının üz qabığı üçün də şəkillərini çəkdirib. Alt paltarda poza verən Anna Çapman jurnala açıqlamasında casusluq fəaliyyəti və eşq həyatı ilə bağlı şok açıqlamalar verib.

Qeyd edək ki, bu ilin iyununda ABŞ-da Rusiya xeyrinə casusluqla məşğul olduqlarını etiraf edən bir qrup şəxs saxlanılıb. Vaşinqton bu şəxslərin ABŞ lehinə Rusiyada casusluq etdikləri üçün saxlanılanlarla dəyişməyə razılaşıb.