209
23:36
21 Avqust 2019

“Vətən bizə əmanətdir” yay istirahət düşərgəsinə start verilib

Azərbaycan Respublikasının Gənclər Fondu, Səfərbərlik və Hərbi Xidmətə Çağırış üzrə Dövlət Xidməti və Tərxis Olunmuş Hərbçilərin Gəncləri Maarifləndirmə İctimai Birliyinin birgə təşkilatçılığı ilə Quba rayonunda “Vətən bizə əmanətdir” yay istirahət düşərgəsi təşkil edilib.
Bu gün yeniyetmə və gənclər onlar üçün yaradılmış düşərgəyə yola düşüblər.
Düşərgə iştirakçıları yola düşməzdən əvvəl Fəxri Xiyabanda ümummilli lider Heydər Əliyevin məzarını ziyarət edib, abidə önünə gül dəstələri qoyublar.
Sonra düşərgə iştirakçıları Şəhidlər Xiyabanında və II Fəxri Xiyabanda Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini yad edərək, məzarları üzərinə tər güllər düzüblər.
Düşərgə iştirakçıları Türk Şəhidliyi Kompleksini də ziyarət etdikdən sonra Quba rayonunda yerləşən düşərgəyə yola düşüblər.