1189
19:56
16 Avqust 2019

İlin ən yaxşı smartfonu məlum oldu

Audio və videotexnika üzrə Avropa Jurnallar Assosiasiyası (European Imaging and Sound Association, EISA) 2019-2020-ci illər üçün ən yaxşı qurğular reytinqini təqdim edib.
Lent.az “ictnews”a istinadla xəbər verir ki, “Huawei P30 Pro” ilin ən yaxşı smartfon modeli seçilib.
Çin şirkətinin qurğuları ardıcıl ikinci ildir birinciliyə sahib çıxır. Belə ki, ötən il “Huawei P20 Pro” modeli ən yaxşı smartfon kimi fərqlənmişdi.
Ən mütərəqqi smartfon “OnePlus 7 Pro”, ilin ən çox satılan modeli isə “Xiaomi Redmi Note 7” olub. Daha bir “Huawei” məhsulu – “Honor 20 Pro” ən yaxşı “LifeStyle” smartfon nominasiyasında qalib gəlib.
Bundan başqa, assosiasiya ən yaxşı simsiz qulaqcığı (JBL Reflect Flow), ən yaxşı küyü azaldan qulaqcığı (Sony WH-1000XM3), ən yaxşı portativ kolonkanı (LG XBOOM GO PK7) və əyləncə gecələri üçün ən yaxşı kolonkanı (JBL PartyBox 100) açıqlayıb.