İki azərbaycanlını öldürüb, yeddi nəfəri yaralayana YÜNGÜL CƏZA

Rusiyanın Voronej vilayət məhkəməsi 39 yaşlı Leonid Şirokixə iki il şərti cəza verib.

Lent.az -ın Rusiya KİV-nə istinadən verdiyi məlumata görə, Şirokix 2018-ci il dekabrın 24-də idarə etdiyi “Mercedes-Benz Actros” yük maşınıyla Bakıdan Voronejə hərəkət edən mikroavtobusu vurub. Hadisə nəticəsində 2 azərbaycanlı həlak olub, 7 nəfər ağır xəsarət alıb.

İstintaq müəyyən edib ki, qəzaya səbəb yük maşını sürücüsünün qarşısında gedən mikroavtobusla məsafə saxlaya bilməməsi olub. Nəticədə arxadan vurulan və içərisində azərbaycanlıların olduğu mikroavtobus aşıb.