Nəsimi Nəbizadə ilə "Ana xəbər" bloku – 15 Aprel
15 aprel 2015 20:10 (UTC +04:00)

Nəsimi Nəbizadə ilə "Ana xəbər" bloku – 15 Aprel

GÜNÜN ŞƏRHİ
 
Etyen Mahçupyanı AKP hökumətinə Ərdoğan-Gülən qarşıdurması qazandırdı. Gülən mediasının önəmli isimlərindən olan Mahçupyan “Zaman” qəzetinin köşə yazarı və xəbərlər müdiri olmuş, Hrant Dinkdən sonra “Aqos” qəzetinə rəhbərlik etmiş bir simadır. “Paralel yapı” söhbətindən sonra Gülən camaatının öndə gedən simaları kimin yanında yer almaq sualı qarşısında qalarkən Etyen Mahçupyan düşünmədən bir düşərgəni digərinə dəyişdi. Və baş nazirin baş müşaviri təyin olunması da Gülən camaatına xəyanətin mükafatı idi. Mahçupyan həm də Türkiyə hökumətində bir dönəm qabarıq nəzərə çarpan “erməni məsələsində yumşalma” siyasətinin məhsulu idi. Ermənini baş müşavir təyin etməklə AKP hökuməti dünyaya “bizim ermənilərlə problemimiz yoxdur, onların bizimlə problemi var” mesajı vermiş olurdu. Amma dünya, özəlliklə Ermənistan bu mesajı qəbul etmədi, əvəzində qazanan Mahçupyan və erməni diasporu oldu. Davudoğlu hökumətinin daha bir məqsədi Mahçupyan vasitəsilə Avropa və Amerikanın önəmli erməni diaspor quruluşlarına təsir göstərmək idi. Amma gözləntilər özünü doğrultmadı, Mahçupyan hökumətdə tutduğu mövqedən  Türkiyənin deyil, erməni diasporunun maraqları üçün istifadə etdi. Günün reallığı budur - Mahçupyan missiyasını bitirib, onun baş müşavir postunda qalması üçün artıq heç bir səbəb yoxdur. Baş nazir Davudoğlu bundan sonra belə Etyen Mahçupyanı yanında saxlayıb, məsləhətlərinə qulaq asacaqsa, xalq dilində desək day heç zad...

# 84
avatar

Oxşar yazılar