Nazirlik əmək yarmarkası təşkil edəcək
10 aprel 2015 18:13 (UTC +04:00)

Nazirlik əmək yarmarkası təşkil edəcək

 

 

Əmək və Əhalinin Sosial Müdafiəsi Nazirliyi tərəfindən respublikanın bölgələrində 2015-ci il üzrə əmək yarmarkalarının təşkilinə başlanıb.

 

Nazirlikdən Lent.az-a verilən məlumata görə, ilk əmək yarmarkasının aprelin 14-də İsmayıllı rayonunda keçirilməsi nəzərdə tutulur. Rayonun Gənclər Mərkəzində təşkil olunacaq aktiv məşğulluq tədbirində 46-ı dövlət, qalanları özəl sektora məxsus 78 müəssisə üzrə 270-ə yaxın boş (vakant) iş yeri işsiz və iş axtaran vətəndaşlara təqdim olunacaq. Onlardan 122-i qulluqçu, 143-i fəhlə peşələri üzrə olan iş yerləridir. Boş iş yeri təqdim edən müəssisələrin nümayəndələrinin də iştirak edəcəyi tədbirdə əmək bazarının tələblərinə uyğun peşələr üzrə peşə hazırlığı kurslarına, ödənişli ictimai işlərə cəlb edilmək istəyənlərin qeydiyyatı da aparılacaq.

 

Xatırladaq ki, ƏƏSMN yanında Dövlət Məşğulluq Xidmətinin 2015-ci ilə dair İş Planına əsasən, cari ildə respublikanın 55 rayon və şəhərində əmək yarmarkalarının, habelə ayrı-ayrı ali təhsil müəssisələrində tələbə və məzunlar üçün «Karyerada ilk addım» devizi altında aktiv məşğulluq tədbirlərinin təşkil olunması nəzərdə tutulur.

# 57
avatar

Oxşar yazılar