Kənd Təsərrüfatı Nazirliyi tərəfindən Azərbaycan ərazisində aparılan yoxlama nəticəsində 9 satış məntəqəsinin lisenziyasız fəaliyyəti aşkar edilib.
Nazirlikdən Lent.az-a verilən məlumata görə, həmin satış məntəqələrində qeydiyyatdan keçməyən, istifadə müddəti bitən müxtəlif adda (Lardeta, Ortiva Top, Rubit, Endosul Fan, Ola Of 85 və s.) 25,5 kq pestisid dövriyyədən çıxarılıb, həmin məntəqələrin fəaliyyətləri dayandırılıb və qanunamüvafiq inzibatı tədbirlər görülüb.
Eyni zamanda yoxlama nəticəsində Salyan rayonu ərazisində lisenziyasız fəaliyyət göstərən Abdullayev İlqar Ağahəsən oğluna məxsus pərakəndə satış obyektində ölkə ərazisində ammonium nitrat gübrəsinin dəyəri 6,50 manat olduğu halda 9 manata satıldığı aşkar edilib və satış məntəqəsinin fəaliyyəti dayandırılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
