20 Yanvar günü hava yağıntılı keçəcək

Sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, səhər bəzi yerlərdə zəif duman olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin Lent.az-a verdiyi məlumata görə,

şimal-qərb küləyi gündüz cənub küləyi ilə əvəz olunacaq. Havanın temperaturu gecə 2-5, gündüz 8-12 dərəcə isti olacaq.

Azərbaycanın rayonlarında əsasən yağmursuz keçəcək, gecə və səhər bəzi yerlərdə duman olacaq. Qərb küləyi əsəcək, Aran rayonlarında 3 dərəcə şaxtadan 2 dərəcəyədək isti, gündüz 7-12 dərəcə isti, dağlarda 3-8 dərəcə şaxta, gündüz 1-6 dərəcə isti olacaq.

Ayin 18-19-da mülayim hava şəraiti davam edəcək, Havanın temperaturu gecə 2-5 dərəcə, gündüz 10-15 dərəcə isti olacaq.

Yanvarın 20-də isə Bakıda buludlu hava şəraitinin üstünlük təşkil edəcəyi, günün ikinci yarısında yağıntılı olacağı gözlənilir. Şimal küləyi əsəcək, arabir güclənəcək. Hava şəraiti nisbətən qeyri-sabit olacaq. Havanın temperaturu səhər və gündüz 5 dərəcə, axşam 3 dərəcə isti təşkil edəcək.

Rayonlarda da ayın 20-də səhər şimal rayonlarında, axşama doğru isə bəzi yerlərdə yağıntılı olacağı, dağlıq və dağətəyi rayonlarda qar yağacağı gözlənilir. Şimal küləyi əsəcək, ayrı-ayrı yerlərdə arabir güclənəcək. Aran rayonlarında 4 dərəcə şaxtadan 1 dərəcəyədək isti, gündüz 5-10 dərəcə isti, dağlarda 3-8 dərəcə şaxta, gündüz 3 dərəcə şaxtadan 2 dərəcəyədək isti olacaq.