“Facebook”un ana şirkəti Meta bu yaxınlarda şirkətin Los-Anceles ofisində yerləşən onlarla əməkdaşını pulsuz qida sistemindən sui-istifadə etdiklərinə görə işdən çıxarıb.
Lent.az bildirir ki, “Financial Times”in xəbərinə görə, Zukerberq 24 əməkdaşını diş pastası, yuyucu vasitə və şərab şüşələri kimi şəxsi əşyalar almaq üçün 25 dollarlıq yemək çeklərindən istifadə etdiyinə görə işdən çıxarıb.
Təfərrüatlar
Meta öz işçilərinə səxavətli bonuslar təklif etməklə tanınır. Bu üstünlüklərdən biri pulsuz yeməkdir. Daha böyük ofislərdə işçilər keyfiyyətli kafeterya yeməklərindən pulsuz istifadə edə bilərlər, lakin daha kiçik yerlərdə Meta öz işçilərinə Grubhub və UberEats kimi çatdırılma xidmətləri vasitəsilə yemək sifariş etmək üçün gündəlik yemək çekləri təklif edir.
Meta işçisinin sutkalıq ödənişinə səhər yeməyi üçün 20 dollar, nahar üçün 25 dollar və axşam yeməyi üçün 25 dollar daxildir. Keçən həftə şirkət bu çeklərdən sui-istifadə edən işçilərə qarşı sərt tədbirlər görüb. Araşdırmadan sonra məlum olub ki, bir neçə işçi vauçerlərdən qeyri-ərzaq malları almaq və hətta ofisdə olmadıqları zaman evlərinə ərzaq çatdırmaq üçün sui-istifadə ediblər.
Xəbərdarlığa baxmayaraq, sui-istifadə davam edib və bu, işçilərin işdən çıxarılması ilə bağlı son qərara səbəb olub. 400 min dollar maaşı olan belə adı açıqlanmayan işçilərdən biri, çeklərdən məişət əşyaları və ərzaq məhsulları almaq üçün istifadə etdiklərini söyləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
