İflic olan anasını kürəyində gəzdirmək üçün evini və maşınını satdı

İndi Syao Ma üçün ən vacib şey anası ilə mümkün qədər çox vaxt keçirməkdir.

Kimsə "ilin oğlu" adına layiqdirsə, Çindən olan 31 yaşlı Sao Madır.

Lent.az-ın xarici mediaya istinadən məlumatına görə, o, iflic anası ilə ölkəni gəzmək üçün əmlakını satıb, onu kürəyində gəzdirir - Ma körpə ikən ona etdiyi kimi.

Valideynləri atasının ölümünə və anasının iflic olmasına səbəb olan dəhşətli avtomobil qəzasına düşəndə Syao Ma səkkiz yaşlı uşaq olub. Bundan sonra Ma və onun böyük bacısı təkcə özlərinə deyil, sonradan beyin atrofiyası diaqnozu qoyulan analarına da qayğı göstəriblər.

Böyüyən Ma pambıq tarlalarında işləyib, müxtəlif sahələrdə biliklər əldə edib və nəticədə Sintsyanda öz restoranını açıb. O, qazancının çox hissəsini anasının sağalmasına xərcləyir. Tədricən qadın uzun illər həbsxanası olan çarpayıdan çıxa bilib, əlil arabasında oturub və hətta bir neçə kiçik addım atıb.

Bununla belə, bir neçə il əvvəl Ma anasının beyin atrofiyasının nəinki sağalmaz olduğu, həm də durmadan irəliləməsi ilə bağlı dəhşətli xəbər alıb. Sonra anası ilə vaxt keçirmək üçün ona ayrılan vaxtdan maksimum istifadə etmək qərarına gəlib.

Syao Ma diqqətini biznesə yönəltmək əvəzinə evini və avtomobilini satıb ki, səyahət etmək üçün pulu olsun və indi anası ilə Çini gəzir.

Onun geriləyən beyni kiçik bir uşağın beyni ilə müqayisə edilə bilər, ona görə də Ma bu anları qiymətləndirə bildiyi müddətdə onunla mümkün qədər çox vaxt keçirmək istəyir.

Məlumata görə, onlar Çinin Sintsyan-Uyğur Muxtar Bölgəsindəki Tyanşan dağında, Tyançi gölündə və digər yerlərdə, eləcə də Pekində Tyananmen meydanında və Böyük Çin səddində olublar. Yaşlı qadın artıq danışa bilmir, ancaq ailə səyahətə çıxanda həmişə gülümsəyir. Yataq xəstəsi olanda kədərləndiyini deyən sevimli oğlu üçün bu da kifayətdir.

“Sevgi gözləmir, övlad təqvası heç vaxt gecikməz və əməl ən yaxşı cavabdır. Mən uşaq olanda anam məni belində daşıyırdı, indi də onu daşıyıram”, - Syao Ma deyir.

Ma ilə anası kürəyində rastlaşan insanlar özlərini ona təqdim edərək cütlüyün fotolarını çəkdirirlər. Və bu şəkillər Çin sosial şəbəkələrində sürətlə yayılır. İndi Çində milyonlarla insan bu kişinin hekayəsinə heyrandır. Evə nə vaxt gedəcəyi ilə bağlı suallara isə cavab verir:

“Ev anamın olduğu yerdir”.

Və əlavə edir ki, anasının bu yer üzündəki həyatının son illərinə görə peşmanlıq hissi ilə yaşamaq istəmir.