Bu gün Abşeron rayonu, həmçinin Bakının Qaradağ və Binəqədi rayonlarının bəzi qəsəbələrinin qaz təchizatında fasilə yaranacaq.
Lent.az bu barədə "Azəriqaz" İstehsalat Birliyinə istinadən xəbər verir.
Bildirilib ki, “Qaradağ-Sumqayıt” magistral qaz kəmərində aşkar olunmuş qaz sızmalarının ləğvi məqsədilə dekabrın 12-də saat 10:00-dan “Müşfiqabad”, “Ceyranbatan” və “Pirəkəşkül” qaz paylayıcı stansiyalardan (QPS) qaz təchizatının dayandırılması planlaşdırılır.
Təmir-bərpa işləri aparılan müddətdə Abşeron rayonu üzrə Aşağı-Güzdək, Daş Güzdək, Atyalı, Hökməli, Nübar, Müşfiqabad Qaçqınlar şəhərciyinin və 12 sənaye müəssisəsinin, Abşeron rayonu üzrə Ceyranbatan və Saray qəsəbələrinin, Çaylı-Qobustan yaşayış massivinin və 3 sənaye müəssisəsinin, Qaradağ rayonu üzrə isə Müşfiqabad qəsəbəsinin, Binəqədi rayonu üzrə 28 May qəsəbəsinin və 12 sənaye müəssisənin qaz təchizatında müvəqqəti fasilə yaranacaq.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
