Bakı Ali Neft Məktəbində abşeronlu tələbələrlə GÖRÜŞ

Milli Məclisin deputatı Nigar Məmmədova Bakı Ali Neft Məktəbinin rektoru Elmar Qasımov və orada təhsil alan Abşeron rayonundan olan bir qrup gənclərlə görüşüb.

Lent.az-ın məlumatına görə, görüşdə Bakı Ali Neft Məktəbinin davam edən uğurlu fəaliyyəti haqqında, Zəfər Günü və COP29-la əlaqədar bir çox məsələlər müzakirə edilib.

Çıxışı zamanı deputat Nigar Məmmədova bildirib ki, müzəffər ölkənin gəncləri kimi Azərbaycan gənclərinin də qarşısında yeni hədəflər dayanır. Onun sözlərinə görə, gənclərimizin COP29 konfransında da inkişaf, təcrübə mübadiləsi istiqamətləri genişləndirilir və sevindirici haldır ki, qlobal proseslərdə gənclərin iştirakçılığı təmin olunmaqdadır.

Millət vəkili hər bir gəncin daha parlaq gələcəyə malik olduğuna inandığını deyib, müzakirələr zamanı gənclərin səsləndirdiyi fikirlərin onların geniş dünya görüşündən xəbər verdiyi qeyd edib.