Elektron viza blankının təsviri və nümunəsi təsdiqləndi

Lent.az-ın Nazirlər Kabinetinin rəsmi saytına istinadən verdiyi məlumata görə, Azərbaycan Respublikasının səfirlikləri və konsulluqları tərəfindən Azərbaycan Respublikasına gəlmək və Azərbaycan Respublikasından getmək üçün əcnəbilərə və vətəndaşlığı olmayan şəxslərə elektron qaydada verilən viza blankının təsviri İCAO-nun (Beynəlxalq Mülki Aviasiya Təşkilatının) 9303 nömrəli sənədinin ikinci hissəsinə uyğundur.

Elektron viza blankı A4 formatdadır. Elektron viza blankının yuxarı sol hissəsində viza sahibinin 35mm x 45mm ölçüdə fotoşəkli üçün yer nəzərdə tutulub. Elektron vizada aşağıdakılar göstərilir:
- Azərbaycan Respublikasının dövlət gerbi, “Azərbaycan Respublikası” və “Elektron viza” sözləri, elektron viza blankının iki latın hərfindən (AE) ibarət olan seriyası və doqquzrəqəmli nömrəsi;
- Elektron vizanın verilmə tarixi, etibarlılıq müddətinin başlandığı və bitdiyi tarix, vizanın növü, kateqoriyası, girişlərin sayı və səfərin məqsədi, ölkədə qalmaq üçün icazə verilmiş günlərin sayı, vizanı rəsmiləşdirən orqanın adı və əcnəbini və ya vətəndaşlığı olmayan şəxsi Azərbaycan Respublikasına dəvət edən fiziki və ya hüquqi şəxsin adı;
- “Şəxsi məlumatlar” sözləri, elektron viza sahibinin soyadı və adı, vətəndaşlığı, doğum tarixi, doğum yeri, cinsi, peşəsi, onu müşayiət edən şəxsin (şəxslərin) soyadı və adı;
- “Səyahət sənədinin məlumatları” sözləri, elektron viza sahibinin səyahət sənədinin növü, nömrəsi, səyahət sənədini verən orqanın adı, verilmə tarixi və etibarlılıq tarixi;
- Xüsusi qeydlər üçün nəzərdə tutulmuş “Qeydlər” hissəsi;
- “Elektron viza pasporta yapışdırılmır və sərhəd nəzarət-buraxılış məntəqəsindən keçərkən pasportla birgə təqdim olunur. Elektron viza etibarlılıq müddəti ərzində istifadə olunmazsa, o qüvvədən düşür.” cümlələri.
Elektron viza blankının aşağı hissəsində maşınla oxuna bilən xüsusi kod üçün yer nəzərdə tutulub. Elektron viza blankının kənarları qoşaxətli çərçivə ilə əhatə edilib. Elektron vizada nəzərdə tutulmuş parametrlərin adları Azərbaycan və ingilis dillərində yazılır. Elektron viza doldurularkən, qeyd olunan məlumatlar ingilis dilində verilir.

                    Fotoşəkil                    Azərbaycan Respublikası
         Republic of Azerbaican
ELEKTRON VİZA
    ELECTRONIC VISA
AE 000000000

Vizanın verilmə tarixi/Visa issue date:
Tarixdən/Valid from:
Tarixədək etibarlıdır/Valid until:
Vizanın növü/Type of visa:
Vizanın kateqoriyası/Category of visa:
Girişlərin sayı/Number of entries:
Səfərin məqsədi/Purpose of visit:
Qalma müddəti/Duration of stay:
Vizanı rəsmiləşdirən orqan/Visa issuing authority:
Dəvət edən/Invited by:

Şəxsi məlumatlar/Personal information
Soyadı, adı/Surname, given names:
Vətəndaşlığı/Nationality:
Doğum tarixi/Date of birth:
Doğum yeri/Place of birth:
Cinsi/Sex:
Peşə/Profession:
Müşayiət edən şəxslər/Accompanied by:
Səyahət sənədinin məlumatları/Travel document’s information
Növü/Type:
Nömrəsi/Number:
Verən orqanın adı/Issuing authority:
Verilmə tarixi/Date of issue:
Etibarlılıq tarixi/Date of expiry:

Qeydlər/Notes:______________________________________________________________

Elektron viza pasporta yapışdırılmır və sərhəd nəzarət-buraxılış məntəqəsindən keçərkən pasportla birgə təqdim olunur. Elektron viza etibarlılıq müddəti ərzində istifadə olunmazsa, o qüvvədən düşür.
Electronic visa is not sticked in passport and must be presented with passport at the border-control post. If the Electronic visa is not used within the period of validity, it becomes invalid.

Maşınla oxuna bilən xüsusi kod