“Titanik”dən sağ çıxan qadının brilyant üzüyü  145 min dollara satıldı
22 noyabr 2026 01:05 (UTC +04:00)

“Titanik”dən sağ çıxan qadının brilyant üzüyü 145 min dollara satıldı

0

1912-ci ildə batan “Titanik” gəmisindən sağ çıxan məşhur sərnişinlərdən biri, britaniyalı modelyer Lüsi Daff-Qordona məxsus brilyant üzük hərracda 110 min funt-sterlinqə (təxminən 145 min dollar) satılıb.

Lent.az xəbər verir ki, bu barədə “Henry Aldridge & Son” hərrac evi məlumat yayıb.

Məlumata görə, üzüyün vaxtilə modelyerə nişan hədiyyəsi olaraq verildiyi ehtimal edilir.

Qiymətli zinət əşyası onilliklər ərzində Daff-Qordon ailəsində qorunub və nəsildən-nəslə ötürülüb.

Adı açıqlanmayan alıcıya üzüklə birlikdə onun mənşəyini təsdiqləyən məktub və Birmingem Əyar Palatası tərəfindən verilmiş brilyant sertifikatı da təqdim olunub.

Hərracda həmçinin Daff-Qordon ailəsinin “Titanik” faciəsindən sonra onları xilas edən “Karpatia” gəmisinin xəzinədarı Ernest Brauna təşəkkür əlaməti olaraq hədiyyə etdiyi siqaret qabı 24 min funt-sterlinqə (təxminən 31 min dollar) satılıb.

1 2 3 4 5 İDMAN XƏBƏRLƏRİ
0
# 170

Oxşar yazılar