ADU-nun rektoru məzunlarla görüşdü

Mayın 19-da Azərbaycan Dillər Universitetinin (ADU) rektoru, professor, millət vəkili Səməd Seyidov universitetin məzunu olmuş gənclərlə və magistrlərlə görüşüb. Universitetin mətbuat xidmətindən Lent.az-a verilən məlumata görə, görüşdə ADU-da gənclərin gələcək iş imkanları, onların universitetə cəlb olunma məsələləri müzakirə olunub. Məzunların düzgün karyera qurması istiqamətində fikir mübadiləsi aparılıb.

Rəhbərlik etdiyi universitetin məzunları ilə fəxr etdiyini deyən rektor S. Seyidov onlarla həmişə sıx əlaqə saxladığını və bunun vacib olduğunu bildirib. O, məzunlarla universitetin gələcəkdə də qarşılıqlı əlaqəsinin davam edəcəyinə əminliyini ifadə etdi və bu tipli görüşlərin mütəmadi keçiriləcəyini deyib. Rektor universitetin professor-müəllim heyətinin rəyini nəzərə alaraq, məzunların gələcəkdə universitetdə çalışması istiqamətində bir sıra addımların atılacağını qeyd etib. S. Seyidov gənclərə bütün işlərində müvəffəqiyyətlər arzulayıb və
ADU məzunları da öz növbəsində doğma təhsil ocağına dəvət olunduqlarına görə məmnunluqlarını ifadə etdilər və bu təşəbbüsə görə S. Seyidova təşəkkürlrini çatdırıblar.