Azay Quliyev: “Şagirdlər kitabların çoxluğundan çantalarını daşıya bilmir”

Bəlli olur ki, dərsliklərin əksəriyyəti mövcud kurrikuluma uyğun gəlmir. Baxmayaraq ki, təsdiq olunmuş kurrikulum Azərbaycan təhsilinin inkişafına xidmət etməlidir. Nəticə göz qabağındadır”.

Lent.az-ın məlumatına görə, bunu deputat Azay Quliyev Milli Məclisdəki çıxış zamanı dilə gətirib. O, ölkədə təhsilin ümumi səviyyəsindən şikayət edərək qeyd edib ki, bir çox hallarda dərsliklərin məzmunu ilə materialın həcmi arasında ciddi uçurumlar mövcuddur: “Riyaziyyatın 1-3-cü sinif şagirdləri üçün nəzərdə tutulmuş dərsliklərində həndəsi fiqurların hədsiz çoxluğu hesablama vərdişlərinin yaddan çıxmasına səbəb olur”.

Deputat deyib ki, dərsliklərin sayı o qədər çoxdur ki, kiçik məktəbli uşaqlar kitabların çoxluğundan çantasını daşıyıb apara bilmir: “Bu, uşağın həm sağlamlığına, həm psixikasına, həm də vətəndaş kimi sağlam ruhda inkişafına mane olur”.

A.Quliyev sonda bildirib ki, müvafiq qurumların qeyd olunan məsələ ilə bağlı tədbir görməsi və problemin Milli Məclisdə də müzakirə edilməsini çox arzulayır.

Anar GƏRAYLI