“İlin kitabxanası” müsabiqəsi başa çatdı
03 may 2011 13:15 (UTC +04:00)

“İlin kitabxanası” müsabiqəsi başa çatdı

Nazirlikdən Lent.az-a verilən məlumata görə, müsabiqə “İlin Mərkəzləşdirilmiş Kitabxana Sistemi”, “İlin şəhər (rayon) uşaq kitabxanası”, “İlin kənd, qəsəbə kitabxana filialı” nominasiyaları üzrə keçirilib. Müsabiqədə kitabxanaların şəhərin, rayonun, kəndin ictimai həyatında fəal rolu, müasir kitabxana-informasiya texnologiyalarının tətbiqi məsələləri, mütəxəssislərin peşəkar və yaradıcı potensialının inkişafına dəstəyi, sosial-mədəni proqramları, təhsil müəssisələri ilə birgə fəaliyyət proqramları, uşaqlarda elmə, mütaliəyə həvəs oyadan qarşılıqlı fəaliyyət proqramları və digər xüsusiyyətləri nəzərə alınıb.

Müsabiqə komissiyasının yekun rəyinə əsasən ”İlin mərkəzi kitabxanası” nominasiyası üzrə - Sumqayıt şəhər Mərkəzləşdirilmiş Kitabxana Sistemi (MKS), “İlin uşaq kitabxanası” nominasiyası üzrə Şirvan şəhər MKS-nin Uşaq Kitabxanası, “İlin kənd kitabxanası” nominasiyası üzrə Salyan rayon MKS-nin Aşağı Kürkənd kitabxana filialı qalib elan olunub.

Qaliblər Mədəniyyət və Turizm Nazirliyi tərəfindən müxtəlif pul mükafatları ilə təltif ediləcək, habelə sözügedən kitabxanaların mütəxəssisləri kitabxana-informasiya sahəsinin aktual məsələlərinə dair təşkil edilən beynəlxalq konfranslarda iştirakı dəstəklənəcək.
Xəyalə
# 464

Oxşar yazılar