AMEA Radiasiya Problemləri İnstitutunun laboratoriya müdiri vəfat edib

Lent.az-ın məlumatına görə, M.Ə. Bağırov 1927-ci il iyun ayının 16-da Lənkəran şəhərində anadan olub. 1949-cu ildə M. Əzizbəyov adına Azərbaycan Sənaye İnstitutunun (indiki Azərbaycan Dövlət Neft Akademiyası) Energetika fakültəsini bitirib.

1953-cü ildə SSRİ Elmlər Akademiyasının Energetika İnstitutunda dissertasiya müdafiə edərək, texnika elmlər namizədi alimlik dərəcəsi alıb.
200-dən çox elmi əsərin, 3 monoqrafiyanın müəllifi olan alimin əsərlərinin çoxu xarici ölkələrdə, nüfuzlu elmi nəşrlərdə çap olunub. M.Ə. Bağırov 1997-ci ildə Lənkəran Dövlət Universitetinin rektoru vəzifəsinə təyin edilib, 2005-ci ilə qədər bu vəzifədə çalışıb.