Vahid Ələkbərov İlham Əliyevi təbrik etdi

“LUKoyl” neft şirkətinin prezidenti Vahid Ələkbərov yenidən Azərbaycan Respublikasının prezidenti seçilməsi münasibətilə İlham Əliyevi təbrik edib.

Lent.az-ın AzərTAC-a istinadən verdiyi məlumata görə, Vahid Ələkbərov İlham Əliyevin qələbəsinin böyük siyasi nüfuzunu və apardığı kursun ölkə əhalisi tərəfindən dəstəkləndiyini təsdiq etdiyini vurğulayıb.

Vahid Ələkbərov bildirib ki, prezident İlham Əliyevin rəhbərliyi ilə Azərbaycanın dinamik sosial inkişafının təmin olunmasına, əhalinin həyat keyfiyyətinin əsaslı şəkildə yüksəldilməsinə, cəmiyyət həyatının bütün sahələrinin inkişafı üçün iqtisadiyyata iri sərmayələrin cəlb edilməsinə yönəlmiş dəyişikliklər uğurla davam edir, xarici ölkələrlə ticari-iqtisadi əməkdaşlıq fəal inkişaf edir: “Fürsətdən istifadə edərək Azərbaycanda “LUKoyl” ASC-nin fəaliyyətinin dəstəklənməsinə görə sizə dərin minnətdarlığımı bildirirəm. Sizi əmin edirəm ki, azərbaycanlı tərəfdaşlarla qarşılıqlı faydalı əməkdaşlığı daim inkişaf etdirmək əzmindəyik. İcazə verin, Sizə ürəkdən möhkəm cansağlığı, səadət, habelə çoxşaxəli və məsul fəaliyyətinizdə daha böyük uğurlar arzulayım”.