Rəsul Quliyev müxalifəti təhqir etdi – MƏTN- AUDİOYAZI

Açıq Cəmiyyət Pavrtiyasının lideri Rəsul Quliyevin partiyanın sədri Sülhəddin Əkbərlə telefon danışığının audioyazısı yayılıb.

Lent.az-ın verdiyi məlumata görə, Rəsul Quliyev Sülhəddin Əkbərlə söhbətində müxalifətin son aksiyasının “multfilm” adlandırır, müxalifət liderlərinin ünvanına təhqiramiz ifadələr dilə gətirir.

Lent.az telefon danışığının stenoqramını və audioyazısını təqdim edir:

R.Q: Salam Sülhəddin.

S.A: Salam, salam, necəsiz?

R.Q: Yaxşıyam. Ə, siz orada nə multfilmdi düzəltmisiz? Ayıb-ayıb. Sən öl, kefsiz e. Sən elə yaxşı eləmisən gedib çıxmamısan tribunaya.

S.Ə: Hə.

R.Q: Sənin bu addımın alqışlanır.

S.Ə: Hə.

R.Q: Mirmahmud hanı?

S.Ə: Görmürəm. Mən arxada durmuşam. Bəlkə də oralarda dayanıb, amma görməmişəm.

R.Q: Yox e. Yəni tribunada görmədim.

S.Ə: Görməmişəm.

R.Q: Eldar gedib ... kimi tullanıb durub orda.

S.Ə: Hmm.

R.Q: İsgəndəri ora nəyə çıxardıblar? Əli ilə İsa nətəri adamdır, başa düşə bilmirəm. Cəmil müəllim bədbaxt İsgəndərin çıxışı ilə prezident olmaq istəyir?!

S.Ə: Hmm.

R.Q: Balaca stadionun 50 faizini doldura bilməmisiz.

S.Ə: Hmm.

R.Q: Yaxşı ki, sən özünü təşkilatçılıqdan qırağa çəkə bilibsən.

S.Ə: Hmm.

R.Q: Nəsə. Yaxşı, davay.

S.Ə: Oldu. Sağ olun.