Prezident və xanımı “Dədə Qorqud” parkında olublar - YENİLƏNİB
22 oktyabr 2013 16:48 (UTC +04:00)

Prezident və xanımı “Dədə Qorqud” parkında olublar - YENİLƏNİB

Prezident İlham Əliyev və xanımı Mehriban Əliyeva oktyabrın 22-də Bakının Nərimanov rayonu ərazisində yeni salınan Dədə Qorqud parkında həyata keçirilən işlərlə tanış olublar. Lent.az-ın məlumatına görə, parkda görülən işlərlə bağlı dövlət başçısına məlumat verilib. Bildirilib ki, parkda paytaxt sakinlərinin istirahəti üçün bütün lazımi şəraitin yaradılması istiqamətində işlər ardıcıl olaraq həyata keçirilir. İnşaat işləri ilə yanaşı, parkda yeni yaşıllıq zolaqları salınır, abadlıq və quruculuq işləri görülür. Parkda Azərbaycan mədəniyyətinin nadir nümunələrindən olan “Dədə Qorqud” dastanına ucaldılan abidə kompleksi üzərində tamamlama işləri də həyata keçirilir.
Prezident İlham Əliyev və xanımı Mehriban Əliyeva parkın ərazisini gəzərək, inşaat işlərinin gedişi ilə maraqlanıblar.
Dövlət başçısı görüləcək işlərlə bağlı müvafiq tapşırıqlarını verib.

# 2601
avatar

Oxşar yazılar