Azərbaycan prezidenti İlham Əliyev bu gün keçirilən andiçmə mərasimindən sonra ailə üzvləri ilə birlikdə Fəxri xiyabanda Heydər Əliyevin məzarını və Şəhidlər xiyabanını ziyarət edib.
APA-nın xəbərinə görə, prezident İlham Əliyev və ailə üzvləri Heydər Əliyevin, akademik Zərifə Əliyevanın xatirəsini yad ediblər.
Dövlət xadimi Əziz Əliyev və professor Tamerlan Əliyevin məzarlarının üstünə də gül dəstələri qoyulub.
Sonra Prezident İlham Əliyev və ailə üzvləri Şəhidlər xiyabanını ziyarət ediblər. Dövlət başçısı “Əbədi məşəl” abidəsinin önünə əklil qoyub. Daha sonra dövlət başçısı və ailə üzvləri paytaxt Bakının mənzərəsini seyr ediblər.
Prezident İlham Əliyev və ailə üzvləri bu gün həmçinin Dövlət Bayrağı Meydanında olublar. Fəxri qarovul dəstəsinin rəisi Prezident, Ali Baş Komandan İlham Əliyevə raport verib. Azərbaycan respublikasının dövlət himni səslənib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
