Oljas Süleymenov: “YUNESKO seçkilərin nəticələrini alqışlayıb”

Dövlət başçısı İlham Əliyevin ünvanına təbriklər gəlməkdə davam edir. Fələstin Dövlətinin Prezidenti Mahmud Abbas, MDB-nin Beynəlmiləl döyüşçülərin işləri üzrə Komitəsinin sədri, Sovet İttifaqı Qəhrəmanı Ruslan Auşev, BMT-nin Sivilizasiyalar Alyansı üzrə ali nümayəndəsi Nasser Abdüləziz Al-Nassir, Fransanın Burqundiya regionunun Yon vilayətinin Ali Şurasının Prezidenti Andre Vilye prezident İlham Əliyevə təbrik məktubu ünvanlayaraq, onu yenidən Azərbaycanın dövlət başçısı seçilməsi münasibəti ilə təbrik ediblər.

Qazaxıstanın YUNESKO yanında daimi nümayəndəsi, dünya şöhrətli yazıçı Oljas Süleymenov da Azərbaycan prezidentini təbrik edib: “Əziz İlham Heydər oğlu,
Sizi və bütün Azərbaycan xalqını seçkilərdə möhtəşəm qələbəniz münasibətilə təbrik edirəm. YUNESKO seçkilərin nəticələri barədə məlumatı alqışlayıb. İcraiyyə Şurasının iclasında Baş direktorun nitqində Azərbaycanın bu təşkilata göstərdiyi dəstəkdən bəhs edilib. Biz Sizinlə bərabər, YUNESKO-nun xoşməramlı səfiri Mehriban xanımı da təbrik edirik! Qoy Sizin yüksək ilhamınız işlərinizə və niyyətlərinizə həmişə enerji versin! Sizə cansağlığı və uzun ömür arzu edirəm!”.