Missiya rəhbəri: ”Seçkilər sakit və qaydalara uyğun keçirilib

“Bu gün Azərbaycanda prezident seçkiləri çox sakit və qaydalara uyğun şəkildə keçirilib. Mən müşahidələrimə görə deyə bilərəm ki, bu proses sərbəst şəkildə baş tuturub”.

Bunu APA-ya seçkilərin gedişini izləyən Avropa Parlamentinin Azərbaycanda prezident seçkiləri üzrə müşahidə missiyasının rəhbəri Pino Arlaçi deyib.

Onun sözlərinə görə, Azərbaycanda keçirilən prezident seçkiləri normal qiymətləndirir: “Mühit çox rahat idi, insanlar da son dərəcə sərbəst və rahat idilər”.

Pino Arlaçi qeyd edib ki, ölkədə keçirilən seçkilərlə bağlı yekun rəy sabah açıqlanacaq.