Gülər Əhmədova: “Hər namazımda Allahdan təvəqqe edirəm”

“İslama görə, intihar edənin məkanı cəhənnəmdir. Hər namazımda Allahdan məni əməl dəftəri sağ əlinə verilənlərdən olmağımı təvəqqe edirəm”.

Bunu aznews.az-ın intihara cəhd etməsi ilə bağlı sualına vəkili vasitəsilə yazılı cavab göndərən sabiq millət vəkili, hazırda həbsdə olan Gülər Əhmədova deyib.

O. heç vaxt intihar etməyəcəyini bildirib: “Bunu gözləyənlərin arzusu ürəyində qalacaq. Ölüm Allahın əmridir. Zamanı çatanda hamı Allahın dərgahına yollanacaq. Amma həyatı çox sevirəm. Hələ oğullarımın toyunu görmək, nəvələrimi böyütmək arzusundayam. İnşallah, hər şey aydınlaşacaq. Kimin kim olduğunu Allah öz qeybindən bildirəcək”.