Elmar Məmmədyarov Benyamin Netanyahu ilə görüşüb

Yaxın Şərq regionunda gedən proseslər barədə fikir mübadiləsi aparılıb

Aprelin 23-də xarici işlər naziri Elmar Məmmədyarov İsrailə səfəri çərçivəsində İsrailin baş naziri Benyamin Netanyahu ilə görüşüb.

Xarici İşlər Nazirliyinin mətbuat xidmətindən Lent.az-a verilən məlumata görə, görüşdə ikitərəfli münasibətlərin inkişafından məmnunluq bildirilib və bu səfərin ölkələr arasındakı münasibətlərin inkişafına töhfə verəcəyi vurğulanıb.

Görüş zamanı Yaxın Şərq regionunda gedən proseslər və qarşılıqlı maraq doğuran məsələlər ətrafında fikir mübadiləsi aparılıb.