Elmar Məmmədyarov ATƏT-in baş katibi ilə görüşdü

Xarici işlər naziri Elmar Məmmədyarov BMT Baş Assambleyasının 68-ci sessiyasında iştirak etmək üçün Nyu-Yorka səfəri çərçivəsində ATƏT-in Baş katibi Lamberto Zanier ilə görüş keçirib.

Xarici İşlər Nazirliyinin mətbuat xidmətindən Lent.az-a verilən məlumata görə, görüş əsnasında ATƏT ilə Azərbaycan arasında əməkdaşlıq məsələləri müzakirə edilib.

Tərəflər Ermənistan-Azərbaycan münaqişəsinin həlli məsələsi ətrafında fikir mübadiləsi aparıblar.