Elmar Məmmədyarov slovakiyalı həmkarı ilə görüşüb
Xarici işlər naziri Elmar Məmmədyarov BMT Baş Assambleyasının 68-ci sessiyasında iştirak etmək üçün Nyu-Yorka səfəri çərçivəsində Slovakiyanın Baş nazirinin müavini və xarici işlər naziri Miroslav Layçak ilə görüşüb.
Xarici İşlər Nazirliyinin mətbuat xidmətindən Lent.az-a verilən məlumata görə, görüşdə ikitərəfli əlaqələr, iqtisadiyyat, sərmayələr, enerji və turizm kimi sahələrdə əməkdaşlığın daha da inkişaf etdirilməsi məsələləri ətrafında müzakirələr aparılıb.
İki ölkə arasında beynəlxalq təşkilatlar çərçivəsində əməkdaşlığı gücləndirmək üçün Azərbaycan Xarici İşlər Nazirliyi ilə Slovakiya Xarici İşlər Nazirliyi arasında məsləhətləşmələr haqqında Anlaşma memorandumu imzalanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
