“İyirmi ildən artıq çəkilən nifrətə son qoymağın vaxtı çatıb”
10 sentyabr 2013 10:58 (UTC +04:00)

“İyirmi ildən artıq çəkilən nifrətə son qoymağın vaxtı çatıb”

“Dağlıq Qarabağ münaqişəsinin sülh yolu bilə nizamlanması üçün köməklik göstərməyi səbirsizliklə gözləyirəm. İyirmi ildən artıq çəkilən əzab-əziyyət və nifrətə son qoymağın vaxtı çatıb”.


 

APA-nın xəbərinə görə, bunu ATƏT-in Minsk qrupunun ABŞ-dan olan həmsədri Ceyms Uorlik Bakıda bu gün keçirdiyi brifinqdə deyib.

 

Həmsədr bildirib ki, münaqişənin Helsinki yekun aktına əsasən həllini tapması vacibdir: “Münaqişəni həll etmək üçün hər iki tərəfin siyasi iradə nümayiş etdirməsinin, cəsarətli addımlar atmasının vaxtıdır. Öz həmkarlarımla birgə fəaliyyəti davam etdirməyi səbirsizliklə gözləyirəm.

 

C. Uorlik yaxın zamanlarda Vyanada ATƏT-in baş katibi ilə görüşəcəyini, bundan sonra Fransa və Rusiyadan olan həmkarları ilə Nyu-Yorkda BMT-nin Baş Assambleyasının 68-ci sessiyası çərçivəsində görüşlər keçirməyi planlaşdırdığını deyib.

 

Qeyd edək ki, BMT Baş Assambleyasının 68-ci sessiyası sentyabrın ikinci yarısında keçiriləcək.

 

ABŞ-dan olan həmsədr Ceyms Uorlik Bakıdan sonra İrəvana gedəcək, oradan isə Dağlıq Qarabağa səfər edəcək.

# 697
avatar

Oxşar yazılar